اسلام آباد(ڈیلی پاکستان آن لائن )سپیکر قومی اسمبلی اسد قیصر نے کہا کہ کورونا وائرس کے وجہ پوری دنیا میں معاشی بحران پیدا ہو رہا ہے جس کی وجہ بیرون ملک روزگار کے سلسلے میں مقیم پاکستانی بھی متاثر ہوئے ہیں، بیرون ملک مقیم پاکستانیوں کو واپس لانے کے لیے حکومت خصوصی اقدامات اٹھا رہی ہے،حکومت مشکل کی اس گھڑی میں اوورسیز پاکستانیوں کےساتھ کھڑی اورانہیں وطن واپس لانےکےلیےتمام تروسائل کوبروئےکارلایاجائےگا،بیرون ممالک سے پاکستانیوں کو واپس لانے کے سلسلے میں پیر کو سول ایوی ایشن کے وزیر اور پی آئی اے سمیت متعلقہ حکام کو طلب کر لیا ہے۔
